مقدمة برنامج لقطه وبس
عين الكاميرا ما بتغمضش
فين ماتروحوا ومابتهمدش
اوعى الكاميرا وعين الكاميرا
وامشى فـ حالك ماتلخبطش
***
دوشه ولمه وقلة ذمه
وإيه بيترمى علينا بالذمه
تعرف بس تقول يا كتش
احنا فـ شارع والا فـ ماتش
***
هـ تشوف الصورة المزمومه
بالكاميرا وبعدين مرسومه
ولو احنا هـ نسكت عـ الخدش
السينما الصامته ما تسكتش
ـــــــــــــــــــــــــــــــــــــــ
كلمات : حسام العقدة
ــــــــــــــــــــــــــــــــــــــــ
تتر برنامج يوميات شعبان فى رمضان
خليك ويانا وبص الآن
شعبان ويَّا حفيظه فـ رمضان
***
شعبان قال إيه تعبان وجعان
واقل كلام يعمل زعلان
خُد من ده كتير أشكال والوان
حكايات ما يصدقهاش إنسان
***
ويوماتى شاغلنا بكام موضوع
يعمل تعبان ... ميِّت م الجوع
ساعة المدفع زى المفجوع
وبيهجم ولا أشجع رهوان
***
وحفيظه تقوم وتنام وتقوم
وبتحلم بس تصَحِّى النوم
وتنافق حتى فـ شهر الصوم
وأخينا صايم وفـ بقه لبان
***
ويوماتى حفيظه تقول حكايات
وليلاتى فـ ليل رمضان بالذات
آدى مثلاً لقطه من اللقطات
هـ نشوف هـ يقولوا إيه تانى كمان
ـــــــــــــــــــــــــــــــ
كلمات حسام العقدة
ـــــــــــــــــــــــــــــــ
رسالة
روح يا غريب لتموت
الغربه ما ليها بيوت
والخطوه نهارها مواجع
والليل ماعيزش يفوت
***
ضيعت الحال والمال
والتوهه ماليها عيال
إزعج وبعلو مافيك
إيه اللى بيجرى ياخال
مالك مبحوح الصوت
***
دى الغربه بجد صعيبه
وتهمل بلدك عيبه
يا جنوبى إرجع لجنوبك
احسن ياخسارة الشيبه
عتضيع ويضيع القوت
***
الحلم بخلقه وزاد
خلاك عتفوت لبلاد
وتسيب الأرض شراقى
إيه اللى جرالك عاد
عرقك للحب مراوى
ضليلتك شجرة توت
ــــــــــــــــــــــــــــــــــــ
كلمات : حسام العقدة
ـــــــــــــــــــــــــــــــــــــ
* هذه الكلمات كانت مقدمة لأحد البرامج التلفزيونية
